Tarifanan

Pa e asistensha di Timmer Advocatuur B.V. tin ku paga. E tarifa pa ora di mr. L.A.E. Timmer ta varia di € 225,- (pa persona) i € 250,- (pa kompania) pa ora sin BTW.
E gastunan di e kaso (manera por ehèmpel e tarifanan di korte, di deurwaarder, i di e documento(nan) nesesario) tambe mester wordu pagá dor di e kliente.

Ta eksistí e posibilidat ku por yega na un areglo ku ta paga un sierto suma pa henter e kaso. Asina no tin sorpresa despues i tin klaridat mesora tokante di e preis di e kaso.

Si tin un seguro pa asistensia hurídiko, e por ta posibel ku e seguro ta paga pa e asistensia di e abogado. Si ta e kaso, informá serka e seguro si nan ta paga pa e asistensia of no.

Si no por paga pa e asistensia di e abogado, dor ku e entrada ta abou i no tin kapital, e por ta posibel ku por haña asistensia hurídiko supsidiá (pro deo).
Si ta asina, e Raad voor Rechtsbijstand ta paga un parti di e tarifa di e abogado. E kliente tambe ta paga un parti. E suma ku e kliente mes ta paga ta depende di e nivel di su entrada òf kapital. Riba e website di e Raad voor Rechtsbijstand por verifiká si por haña asistensia hurídiko supsidiá. Tin kondishon mará na e asistensia hurídiko supsidiá. E kondishonan aki por haña nan riba e website di e Raad voor Rechtsbijstand. Si tin pregunta naturalmente por tuma kontakto ku un di nos abogado.

Timmer Advocatuur B.V. ta ofresé e posibilidat di tin un kombersashon pa orientá sin kompromíso di máksimo 30 minüt pa un suma redusí di € 75,- (sin Btw). Durante di e kombersashon por hasi pregunta na un abogado eksperensiá. Despues e abogado por determiná si tin un kaso òf no i por splika kiko por wordu hasi.
Tambe e abogado por spliká e kliente kon largu e kaso ta bai dura i kuantu e gastunan por ta. Si e kliente disidí ke e ka pa e abogado represente, no ta bai tin gastu pa e kombersashon di orientashon. Despues di e 30 minüt, ta bai tin e tarifa normal di e abogado.